Saturday, June 14, 2008

Briefly اخبار متفرقة

اول خبر واللي سمعته امبارح ودايقني جدا ، خبر وفاة مقدم برنامج واجه الصحافة في قناة ان بي سي الاميركية الصحفي اللي كنت بحبه وبحترمه جدا ، تيم راسرت ، عن عمر 58 سنة ، حقيقة الراجل ده خسارة كبيرة للاعلام الاميركي وخسارة لبرامج يوم الاحد تحديدا..لولف بليتزر ان يمرح الان في عالم الصحافة التلفزيونية وخصوصا يوم الاحد مع برنامجه ليت اديشن المنافس الثاني لبرنامج الراحل راسرت..

الخبر التاني فوجئت بيه اليوم ، المغرب سحبت الترخيص الصحفي من مدير مكتب الجزيرة في الرباط حسن الراشدي على خلفية تغطية معرفش كان فيها ايه بالظبط غير ان الجزيرة افادت بوقوع قتلى في احداث تظاهرات اعتقد وقعت في منطقة في المملكة اسمها سيدي ايفني أعتقد بردو اسمها كده..على كل هي خطوة يعني متوقعة من ساعة ما النشرة المغاربية الغيت على خلفية كلام هيكل اللي مش سمعته وكما يقول البعض يعني ، شوية الاحداث دي والغاء النشرة والحملة اللي شنتها الجزيرة عالمغرب ومكنش فيها اي تعامل ناعم بل تسييح بقى ونقد والذي منه كانت القشة التي انهت شهر العسل بين الحكومة المغربية والجزيرة ، وزي ما اتسحبت رخصة مراسل الجزيرة في الرباط اللي ناسي اسمه دلوقتي من كام سنه اهي بتتسحب دلوقتي من الراس الكبيرة..حسن الراشدي وكمان هيقدم للمحاكمة بتهمة ترويج ونشر اخبار كاذبة ، هي دي التهمة الجاهزة لمديري مكاتب الجزيرة ، واجهها قبله حسين عبد الغني في القاهرة..ا

مفيش خبر تالت ولا رابع لإني اصلا معرفش غير دول ، مش متابع حتى للتلفزيون بقالي فترة ، زهقان ومشغول وكمان الاخبار مفيهاش حاجه تشد بعد ما لبنان هديت الاوضاع فيه..والاخ عباس ناصر خد اجازته لحد اخر شهر تموز ، معلومة بردو لم ينس ان يؤكد علي فيها مطمئنا ان غاب عن الشاشة في الفترة الجايه

اخيرا صديقي عبدالله الشامي كان راح دمياط اليوم في طريقه مع العائلة وقاللي تعالى نعمل حاجه عن اجريوم ومصنعها في البلد ، تحقيق للجزيرة توك يعني بس انا..وطبعا وللأسف ولاني غبت امبارح..فكان لازم اجي الشغل انهارده واتربط تمن ساعات عالكمبيوتر اللي عيني يبدو انها هتتعمي منه قريب..بانتظار تقريره وصوره ، لوحده :)

No comments: