Saturday, January 3, 2009

حرب على غزة.. يوم ثامن

عندي حاجه عاوز اقولها في سياق تغطية الاعلام للحرب على غزة الان.. الحرب دي تحديدا على قناة الجزيرة اثبتت انه القناة محتاجين مذيعينها الكبار على مدار اليوم عشان يقودوا التغطية.. بعض المذيعين اثبتوا فشل واضح وحتى معلومات غلط بيقولوها بتبين قلة خبرة واسلوب ببغاوات على الشاشة بس بيرددوا كلام المنتجين ليهم.. على ان الملاحظة دي تنطبق على قلة من المذيعين الشباب في القناة مش كلهم.

كان في حاجات كتير متعلقة بظروف الحرب على غزة وخصوصا الموقف المصري منها واللي تم الترويج ليه في الصحافة الرسمية وعلى لسان مسؤولين تراوحوا من ابو الغيط لحد مبارك، زينوبيا لخصت كتير منها هنا وانا سبق اني وضحت رايي ف بعضها في مداخلاتي على جايكو هنا.

حاجه تانيه متعلقة بالاعلام، انا متعود اشوف التغطيات بتاعة الاحداث الكبيرة دي على القنوات الاجنبية، لكن ولانه الحدث المرة دي عربي وفي غزة المحاصرة اعلاميا الا من صحفيين ليهم وجود دايم زي مراسلي الجزيرة العربية والانجليزية، فانا مضطر اركز على الجزيرة وخصوصا العربية، مش لاقي فرصة اتابع القنوات التانيه بشكل مرضي ويوضح هم بيعملوا ايه بالظبط خصوصا على صعيد ادارة التغطية في الميدان.

المظاهرات اللي حاصله في لندن مفكراني اوي بمظاهرات المدينة قبل الحرب على العراق، نفس الروح لكن العدد اقل هذه المرة، بجانب المظاهرات التي قامت اليوم في مدينة سخنين العربية داخل الخط الاخضر، المظاهرة كانت لاكثر من 150 الف، بظني انها المظاهرة الاهم في الرمزية، حوالين العالم كله في الايام الـ8 الفائتة، ان لرمزية المكان داخل اسرائيل او لرمزية العدد الكبير

No comments: